1007
Գիտեմ, որ մի օր տեսնելու եմ Քեզ
Գիտեմ, որ մի օր տեսնելու եմ Քեզ, երբ գաս Քո փառքով,
Գիտեմ, որ մի օր նայելու եմ Քեզ հոգուս աչքերով,
Գիտեմ` ուզում ես, որ Քեզ հետ հավետ Քո փառքը տեսնեմ,
Հույսով հավատամ, սիրո մեջ մնամ, Քո խոսքը պահեմ:
Ինձ նոր թևեր տուր, որ ճախրեմ ես վեր,
Ճամփան տեսնել տուր և գալիքը մեր,
Ուր կա հանդիպում՝ առանց բաժանում,
Ուր սերն է ապրում ու չի վերջանում:
Գիտեմ, որ մի օր օրհնելու եմ Քեզ երկնային լեզվով,
Գիտեմ, որ մի օր գովելու եմ Քեզ հոգու երգերով,
Մի գանձ կա միայն՝ Քո Խոսքի ոսկին. հոգուս պետք է դա,
Որ երբ ծառայի, միշտ վերև նայի և ուրախանա:
Ինձ նոր թևեր տուր, որ ճախրեմ ես վեր,
Ճամփան տեսնել տուր և գալիքը մեր,
Ուր կա հանդիպում՝ առանց բաժանում,
Ուր սերն է ապրում ու չի վերջանում:
