932
Բարի լուր լսվեց ձայնով Տիրոջ հրեշտակների
1. Բարի լուր լսվեց ձայնով Տիրոջ հրեշտակների
Երբ ծնվեց Արքան մեր՝ Փրկիչը աշխարհի,
Ցնծություն, բժշկություն բերեց մեր սրտերին
Ալֆան և Օմեղան՝ կենդանի Աստծո Որդին:
Ալելուիա՜, երգենք օվսաննա,
Երկրպագենք Նրան և բարձրացնենք փառքեր,
Բյուր ալելուիա՜, երգենք օվսաննա,
Թող խոնարհվեն Նրա առջև բոլոր ազգեր:
2. Բեթլեհե՛մ, փոքրի՛կ քաղաք, դարձար մեծ բոլորից,
Երբ ծնվեց Մեսիան, Արքան՝ Դավթի ցեղից,
Ցնծացե՛ք, Երուսաղե՛մ, մարդի՛կ՝ երկիր ծայրից,
Նոր երգ երգենք. եկավ Նա, որ առյուծն է Հուդայի:
3. Թող լսի և իմանա ամեն մարդ աշխարհի,
Միակ մեր փրկությունն է, ճամփան է ճշմարիտ,
Նա մորթված Գառնուկն է` փառավոր նստած գահին,
Նա է սկիզբն ու վերջը, Նա է կյանքը երկնային:
